ഒടുക്കത്തെ തിരക്ക്, എന്നാല്‍ ഒന്നും നേടുന്നില്ല

കഴിഞ്ഞയാഴ്ച ഒരുവന്‍ ഒരു ഡോക്യമെന്‍റ് ട്രാന്‍സ്ലേഷന്‍ ചെയ്യാനായി വന്നു,
എപ്പോ കിട്ടുമെന്ന് ചോദിച്ചപ്പോ ഞാന്‍ പറഞ്ഞു:
രണ്ട് ദിവസം വേണ്ടി വരും,
കുറേ നേരം ചൊറിഞ്ഞ് നിന്നപ്പോ ഞാന്‍ പറഞ്ഞു:
ഓക്കെ, ഒരു ദിവസം കൊണ്ട് തരാം, നാളെ രാവിലെ വരൂ,
അല്ല അവന് ഇന്ന് രാത്രി തന്നെ വേണം,
ഞാന്‍ ചോദിച്ചു, ഇന്ന് രാത്രി അത് കിട്ടിയിട്ട് നിങ്ങക്കൊരു കാര്യവുമില്ലല്ലോ, നാളെ രാവിലെ പോരേ,
അല്ല, അവന് ഇന്ന് രാത്രി തന്നെ വേണം,
ഞാന്‍ വേറെവിടെങ്കിലും പോയി നോക്കട്ടെയെന്നും പറഞ്ഞ് അവന്‍ പോയി,

രണ്ട് ദിവസം കഴിഞ്ഞ് അവന്‍ വീണ്ടും വന്നു അതേ ഡോക്യുമെന്‍റും കൊണ്ട്, അപ്പോഴും തലേന്നത്തെപ്പോലെ രാത്രി തന്നെ കിട്ടണമെന്ന് അവന് വാശി, രണ്ട് ദിവസമുള്ളത് ഒരു ദിവസത്തിനുള്ളില്‍ തരാമെന്ന് പറഞ്ഞിട്ടും പോര,
മറ്റെവിടെയെങ്കിലും കൊടുക്കാമെന്ന് പറഞ്ഞ് വീണ്ടും പോയി,

ഇന്നലെയും വന്നു അവന്‍,
ഇങ്ങോട്ട് ചോദിക്കുന്നതിന് മുമ്പെ തന്നെ ഞാന്‍ പഞ്ഞു,
മോനെ, ട്രാന്‍സ്ലേഷനാണെങ്കീ നീ എവിടെയെങ്കിലും കൊണ്ട് പോയി ചെയ്യൂ,
ഇവിടെ ചെയ്യുന്നില്ല,

ഞാനടക്കം പലരുടെയും മനോഭാവം ഇതാണ്,
ഒടുക്കത്തെ തെരക്കാണ് എല്ലാര്‍ക്കും,
എ.ടി.എമ്മില്‍ നാല് പേരുടെ ക്യൂ കാണുമ്പോഴേക്ക് തൊട്ടപ്പുറത്തുള്ള കൌണ്ടറിലേക്ക് പോകും,
അവിടെ എത്താനുള്ള നേരവും അന്നേരം അവിടെയുള്ളവരുടെ ഊഴവും കഴിയുമ്പോഴേക്ക് ഇരട്ടി സമയമെടുത്തിട്ടുണ്ടാവും.

ചെറിയൊരു ട്രാഫിക് ബ്ലോക്കുണ്ടാവുമ്പോഴേക്ക് ഏതെങ്കിലും ഊടുവഴി പിടിച്ച് പോകും,
ലക്ഷ്യസ്ഥാനത്തെത്തുമ്പോഴേക്ക് സമയം ഒരുപാട് കഴിഞ്ഞിട്ടുണ്ടാവും,

തിരക്ക് പലപ്പോഴും വിപരീതഫലമാണുണ്ടാക്കുക.
സഞ്ചരിക്കാം നമുക്ക്,
തിരക്കുകളുടെ ലോകത്ത് നിന്ന് വിവേകത്തിന്‍റെ ലോകത്തേക്ക്...

(കാര്‍ട്ടൂണ്‍ കടപ്പാട്)