വന്നപാടെ നീട്ടിതന്നത് ഒരു പൊതി
അതിലുണ്ടായിരുന്നത് ഉമ്മാന്റെ കൈ കൊണ്ടുണ്ടാക്കിയ
കുയ്യപ്പ (ഉണ്ണിയപ്പം) വും ചക്ക പൊരിച്ചതും...
അതങ്ങനെയാ ഗള്ഫുകാര് തിരിച്ച് വരുന്പോള് അത്യാവശ്യ സാധനങ്ങളെക്കാള് ഉണ്ടാവുക കോഴിയടയും അച്ചാറും വാഴക്കാ ചിപ്സുമാണ്....
പാസ്പോര്ട്ടും സര്ട്ടിഫിക്കറ്റും എടുക്കാന് മറന്നാലും
കോഴിയട എടുക്കാതെ ആരും തിരിച്ച് വരാറില്ല...
പണ്ടൊക്കെ പലപ്പോഴും പലരുടെയും പെട്ടി കെട്ടുംപോള് ചിന്തിക്കാറുണ്ട്,
ഇവരൊക്കെ ഗള്ഫില് പോവുന്നത് തിന്നാനാണോയെന്ന്...
ഇപ്പോഴാ അതിന്റെയൊക്കെ ഒരു ഗുട്ടന്സ് പിടികിട്ടുന്നത്.
അഞ്ച് റിയാല് കൊടുത്താല് ഉണ്ണിയപ്പത്തിന്റെ ഒരു പാക്കറ്റ് കിട്ടും എല്ലാ ഗ്രോസറികളിലും...
എന്നാലും ഉമ്മാന്റെ കൈ കൊണ്ടുണ്ടാക്കിയത് തിന്നുന്പോള് വേറൊരു ടേസ്റ്റാണ്...
ഓരോ സുലൈമാനിയിലും മുഹബ്ബത്തുണ്ട് എന്ന് പറഞ്ഞ പോലെയാ,
ഓരോ ഉണ്ണിയപ്പത്തിലും ഉമ്മാന്റെ സ്നേഹം ചാലിച്ചിട്ടുണ്ട്....
കോളേജില് പഠിക്കുന്ന കാലത്ത് മാസത്തിലൊരിക്കല്
ഉപ്പ വരുന്പോള് കടലമിട്ടായി കൊണ്ട് വരാറുണ്ട്,
അന്നൊക്കെ അത് ഒറ്റക്ക് തിന്ന് തീര്ക്കലായിരുന്നു...
ആര്ത്തി മാത്രമല്ല കാരണം,
ആര്ക്കെങ്കിലും കൊടുത്താലും അവര്ക്കത് കടലമിട്ടായിയുടെ ഒരു കഷ്ണം മാത്രം,
എനിക്കാണെങ്കില് അത് ഉപ്പ കൊണ്ടത്തന്നതാണ്, അത് തന്നെ വ്യത്യാസം.
പക്ഷെ, ഇവിടെയങ്ങനെയല്ല കെട്ടോ, ഇവിടെ ആര് എന്ത് നാട്ടില് നിന്ന് കൊണ്ട് വന്നാലും എല്ലാരും കൂടി തിന്നങ്ങ് തീര്ക്കും...
ആര് കൊണ്ടുവന്നതായാലും ഏതെങ്കിലും ഒരു ഉമ്മ ഉണ്ടാക്കിയതല്ലേ....
No comments:
Post a Comment