മതിയാകില്ലെനിക്ക്,
ഈ ഇരുത്തത്തിന്റെ
സുഖം തന്നെ കിട്ടണം.
ബെല്ലടിച്ചാല് പ്ലേറ്റുമെടുത്ത് ഓടണം,
ചോറ് വിളമ്പിക്കൊടുക്കുമ്പോള്
വരി നില്ക്കുന്നവരുടെ ഇടയിലൂടെ
വരി തെറ്റിച്ച് മുന്നിലെത്തണം,
ചോറും വാങ്ങി
സ്കൂളിന്റെ പിന്നിലെ
ഓലപ്പുരയിലെ
മണ്ണ് തേച്ച നിലത്തിരിക്കണം,
പച്ചമാങ്ങ കൂട്ടിയരച്ച്
വാഴയിലയില് പൊതിഞ്ഞ്
ഉമ്മയുണ്ടാക്കിത്തന്ന
മുളകുചമ്മന്തി പകുത്തെടുക്കണം
അമ്പത് പൈസയുടെ
നാരങ്ങയച്ചാര് വാങ്ങി മൂഞ്ചണം,
മൂഞ്ചിക്കഴിഞ്ഞ അച്ചാര് പേക്കറ്റ്
വായിലിട്ട് ചവക്കണം
കോഴിബിരിയാണിയെക്കാള്
രുചിയുള്ള
ആ ചോറും ചെറുപയര് കറിയും
ഒന്ന് കൂടി നുണയാന് പൂതി
ഓര്മകളേ നീയിന്നെവിടെ
ഒരുവട്ടം കൂടിയെ-
ന്നോര്മകള് മേയുന്ന
തിരുമുറ്റത്തെത്തുവാന് മോഹം...
No comments:
Post a Comment